ҚҰПИЯЛЫЛЫҚ САЯСАТЫ

Кіріспе бөлімі

«MyCar Group» жауапкершілігі шектеулі серіктестігі (бұдан – әрі MyCar немесе біз) сіздің жеке өміріңізге қол сұқпау құқығыңызға аса құрметпен қарайды және сіздің Дербес ақпаратыңызды қорғауға қатысты міндеттеме бойынша толық жауапкершілік көтереді. Біз сіздің Дербес ақпаратыңыздың қауіпсіздігін қамтамасыз ету мақсатында барлық заңды құралдар мен шараларды қолданатынымызға кепілдік береміз және оны осы Құпиялылық саясатында (бұдан әрі – Саясат) қарастырылған мақсаттарда пайдаланатынымызды мәлімдейміз.
Осы Саясатта Дербес деректерді жинау, пайдалану және беру жолымыз (осы Саясатта келтірілген анықтамаға сәйкес) түсіндіріледі.
Осы Саясат — Интернет желісіндегі https://mycar.kz/user_agreement мекенжайында орналастырылған және/немесе қолжетімді Пайдаланушы келісімінің (бұдан әрі – «Келісім»), сондай-ақ сізбен жасасқан басқа да шарттардың (соның ішінде өтінім, келісім және т. с. с. түріндегі) немесе сізбен жасасуымыз ықтимал шарттардың ажырамас бөлігі болатынын естен шығармау керек.
Осы сайттың, сондай-ақ басқа да сайттардың қызметтерін, MyCar мобильді қолданбаларын қолдана отырып, сіз Саясатпен келісетініңізді білдіресіз, сонымен бірге өз еркіңізбен және өз мүддеңіз үшін Дербес ақпаратыңызды жинауға, жазуға, сондай-ақ осы Саясатта белгіленген мақсаттарда автоматтандыру құралдарын пайдаланып немесе өз қалауымыз бойынша осындай құралдарды пайдаланбай жүйелеу, сақтау, нақтылау (жаңарту, өзгерту), алу, пайдалану, беру, соның ішінде трансшекаралық (тарату, беру, қолжеткізу), иесіздендіру, бұғаттау, жою сияқты өңдеу тәсілдеріне келісіміңізді бересіз. Құпиялылық саясатының шарттарына келіспейтін жағдайда сіз сайтты, сондай-ақ басқа да сайттарды MyCar, моблильді қолданбасын пайдалануды тоқтатуыңыз керек.
Осы Саясат кез келген уақытта алдын ала ескертпестен, MyCar қалауы бойынша, қажеттілікке байланысты немесе қолданыстағы заң талаптарына сәйкес өзгертілуі мүмкін.

Қаз

Рус

1. Терминдер мен анықтамалар

Сізге Дербес ақпараттың не үшін және қай түрі жиналатынын, пайдаланылатынын және сақталатынын оңай түсіну үшін, сондай-ақ Саясатта қолданылатын кейбір терминдерді түсіну үшін оларды төменде келтірілген жеке кестеге жинадық.

Терминдер/анықтамалар

Терминнің/анықтаманың мазмұны

MyCar/біз/бізге/біздің/біздікі

«MyCar Group» ЖШС, оның үлестес тұлғалары

Сіз/Сіздің/Сізге/Пайдаланушы

Сіз Қазақстан Республикасының 18 жасқа толған еңбекке қабілетті азаматы болып табылатын жеке тұлға ретінде, сондай-ақ өз атыңыздан және (немесе) үшінші тұлғалардың атынан біздің қызметтерді/жұмыстарды пайдаланасыз және (немесе) біздің тауарларды сатып аласыз

Дербес деректер/Дербес ақпарат

Сізге немесе сіздің сенім білдірушіңізге қатысты, электрондық, қағаз және (немесе) басқа да материалдық тасығыш түрінде тіркелген мәліметтер

Сайт/Сервис

http://mycar.kz/ интернет-сайты, сондай-ақ оның үлестес тұлғаларының интернет-сайттары, мобильді қолданбалар, бағдарлама интерфейстері, электрондық пошта мен хабарламалар

2. Дербес ақпаратты жинау мақсаттары

2.1. Дербес деректер төмендегідей мақсаттарда жиналып, пайдаланылады:

Сайтты пайдаланған кезде, сондай-ақ мәмілелер жасасу, өтінімдер беру, хабарландырулар орналастыру мақсаттарында пайдаланушыны сәйкестендіру;
Сіздің алдыңызда біздің шарттық міндеттемелерді орындау;
Пайдаланушыға Сайт ресурстарына (қызметтерге) рұқсат беру;
Пайдаланушымен кері байланыс орнату, соның ішінде Сайтты пайдалану, қызмет көрсету, Пайдаланушының сұраулары мен өтінімдерін өңдеу, акциялар туралы жарнамалық ақпарат жолдау және MyCar басқа қызметтеріне қатысты телефон қоңырауы, хабарламалар жолдау (соның ішінде, бірақ онымен шектелместен, SMS, WhatsApp, Telegram және басқалар арқылы);
Қауіпсіздікті қамтамасыз ету, алаяқтықтың жолын кесу үшін Пайдаланушының тұрған жерін анықтау;
Пайдаланушы берген дербес деректердің шынайлығы мен толықтығын растау;
Пайдаланушыға Сайтты пайдалануға байланысты проблемалар туындағанда тиімді клиенттік және техникалық қолдау көрсету;
Пайдаланушыға MyCar атынан немесе MyCar серіктесінің атынан қызметтердің жаңартылымын, арнайы ұсыныстарды, бағалар туралы ақпаратты, жаңалықтар және басқа да мәліметтерді беру. MyCar жарнамалық қызметін іске асыру;
Пайдаланушыға өнімдерді, жаңартылымдар мен қызметтерді алу мақсатында сайттарға немесе MyCar серіктестерінің сервистеріне рұқсат беру;
Біз сататын тауарлардың, көрсететін қызметтердің, беретін жұмыстардың сапасын жақсарту, жаңа Сервистерді әзірлеу;
Иесізделген деректер негізінде статистикалық және басқа да зерттеулерді жүргізу;
Компаниямыздың қызметін талдау және оларды басқару, маркетингілік зерттеулер жүргізу, аудит, жаңа өнімдерді әзірлеу, жұмысымызды жетілдіру, тауарларымызды/қызметтерімізді және жұмыстарымызды жақсарту, пайдалану үрдісін анықтау, біздің жарнамалық науқандарымыздың тиімділігін анықтау, сондай-ақ Пайдаланушылардың қанағаттану деңгейін бағалау және оларға қолдау көрсету сияқты қызметтеріміздің түрлерін жүзеге асыру үшін;
Тұтынушылық қызметтер мен тауарлардың жоғары сапасын ұсыну;
Сайттың/Мобильді қолданбаның жаңа сервистерін жасау, Сайттың/Мобильді қолданбалардың жұмысын жақсарту және Пайдаланушылар мен Жеткізушілердің өзара әрекеттестігі;
Пайдаланушының қалауларына сәйкес келетін таргеттелген жарнама ұсыныстарын беру;
Сайттың/Мобильді қолданбаның үзіліссіз жұмысын қамтамасыз ету үшін Пайдаланушы пайдаланатын әртүрлі құрылғыларды байланыстыру;
Сайтты/Мобильді қолданбаны ұйымдастыру, құрылымдау, дерекқорды жасау және пайдалану;
Пайдаланушымен оған ыңғайлы тәсілмен байланысу;
Сайттың/Мобильді қолданбаның жұмысын барынша жақсарту мақсатында Пайдаланушылардан сауалнама, сұрақ-жауап алу, зерттеулер мен олардың қолданысына талдау жүргізу және Пайдаланушылардың қызығушылықтары, пікірлері негізінде Сайттың жаңа функциялары мен сервистерін жасау;
Алаяқтықты немесе басқа да заңға қайшы әрекеттердің алдын алу, анықтау және олармен күресу;
Сайттың/Мобильді қолданбаның жұмысындағы ақауларды жою және т.с.с.

3. Дербес деректердің тізімі

3.1. Біз төмендегідей ақпаратты жинаймыз:

Сайтқа кірген кезде сайттың бағдарламалық құралы автоматты түрде жинайтын техникалық ақпарат;Сіздің алдыңызда біздің шарттық міндеттемелерді орындау;
Сіз тиісті форманы толтырған кезде беретін Дербес ақпарат немесе MyCar Пайдаланушымен тікелей байланыс жасағанда немесе Пайдаланушы әлеуметтік желілерді пайдаланған кезде алатын ақпарат;
Басқа ақпаратты Сіз өз қалауыңызға қарай бересіз.

3.2. Техникалық ақпарат.

Сіз Сайтқа, Сайт әкімшілігіне кіргенде сервердің тіркейтін стандартты журналындағы (server logs) ақпарат автоматты түрде қолжетімді болады, атап айтқанда:

Сіздің компьютеріңіздің (немесе прокси-сервердің, егер ол Интернетке шығу үшін пайдаланылатын болса) IP мекенжайы;
Интернет-провайдердің атауы;
Домен атауы;
Браузер және операциялық жүйе түрі;
Сіз Сайтқа өткен әлеуметтік желілердегі сайт/бет туралы ақпарат;
Сіз кіретін Сайт беттері туралы ақпарат;
Осы кіру күні мен уақыты, файлдар;
Пайдаланушының әлеуметтік желілеріндегі және басқа да жалпыға қолжетімді дерек көздеріндегі парақшаларда тұрған фотосуреттер, жарияланымдар, басқа да деректер, Пайдаланушы байланысқан адамдар туралы деректер, әлеуметтік желілердегі парақшалар, хэштегтер, түсініктемелер, пікірлер, топтар, қоғамдастықтар, іс-шаралар, адамдар туралы деректер және т. с. с.;
Аккаунтты, әлеуметтік желілердің аккаунттарын пайдалану туралы, Сайттағы сатып алушылық белсенділік туралы, сатып алатын тауарлар туралы, тауарларды, брендтерді қалау және т.б. туралы деректер;
Пайдаланушы Аккаунтқа қолданатын құрылғы туралы деректер, соның ішінде: аппараттық және бағдарламалық құрал, құрылғылар сәйкестендіргіштері туралы, Интернет қосылыс туралы ақпарат, Пайдаланушы құрылғысының тұрған жері туралы ақпарат (GPS, Bluetooth, Wi-Fi), қолданбалардың, cookie файлдардың және т. б. деректері;
Пайдаланушының Контакт-орталыққа хабарласуларының жазбасы, Пайдаланушының MyCar компаниясымен Сайтта/Мобильді қолданбада (кері байланыс) алмасқан хаттары.

3.3. Бұл ақпаратты біз біріктірген (иесізделген) түрде Сайтқа кіру санын анықтау үшін талдаймыз және оны жақсарту және дамыту бойынша ұсыныстар әзірлеу кезінде пайдаланылады. Сіздің IP мекенжайыңыз бен сіздің дербес ақпаратыңыздың арасындағы байланыс, Қазақстан Республикасының қолданыстағы заңнамасы талап еткен жағдайдан басқа кезде, ешқашан үшінші тұлғаларға жарияланбайды.

3.4. Дербес ақпарат

Дербес ақпаратқа мыналарды жатқызамыз:

Тегі, аты, әкесінің аты (бар болған жағдайда);
Туған күні мен жері;
Жынысы;
Ұлты;
Жеке сәйкестендіру нөмірі;
Байланыс деректері: тұрақты тіркелген жерінің мекенжайы, уақытша тіркелген жерінің мекенжайы, байланыс телефондары, электрондық пошта мекенжайы;
Жеке басты куәландыратын құжаттың деректері: құжат атауы, құжат нөмірі, құжаттың берілген күні, құжаттың жарамдылық мерзімі, құжатты берген мекеме;
Кредиттік және дебеттік карталардың, сондай-ақ банк шоттарының нөмірлері және басқа төлем құжаты;
Портреттік суреті, бейнематериалдар (фотосурет);
Биометриялық деректер;
MyCar кез келген көзден алған Пайдаланушыны сипаттайтын басқа да деректер.

3.5. Шартқа отыру мақсаттарында Пайдаланушы өзі туралы және өзі өкілі болған мекеме және оның өкілдері туралы келесі дербес деректерді бере алады: аты, әкесінің аты, тегі, лауазымы, телефон нөмірі; қосымша берілуі ықтимал: атауы, БСН, банк шотының нөмірі, әділет органдарында тіркелген нөмірі, осындай мекеменің тіркелген мекенжайы мен пошта индексі, корпоративтік телефон нөмірі, қызмет көрсетуші банк атауы, оның БСК және корреспонденттік шоты. Мекеме туралы көрсетілген мәліметтер дербес деректерге қатысты емес.

3.6. Егер жеке тұлға жеке кәсіпкер ретінде немесе осындай жеке кәсіпкердің қалауы немесе тікелей жазбаша келісімі бойынша оның атынан әрекет етсе, тиісінше мыналар қосымша берілуі мүмкін: жеке кәсіпкердің тегі мен инициалдары, ССН, хат алмасу мекенжайы, телефон нөмірі, банк шотының нөмірі, қызмет көрсетуші банк атауы, оның БСК және корреспонденттік шоты.

4. Тараптардың міндеттемелері

4.1. Пайдаланушының міндеттері:

- бізбен мәміле (шарттар, өтінімдер, тапсырыс-жүктелім және басқа түрде) жасасу үшін дербес деректер туралы ақпаратты беру ;
- дербес деректер өзгерген жағдайда берілген осы ақпаратты қысқа уақыт ішінде жаңарту, толықтыру . Пайдаланушы дербес деректердегі өзгерістер туралы ескертпеген немесе уақытылы ескертпеген жағдайда, MyCar осындай ескертпеу немесе уақытылы ескертпеу себебінен орын алған кез келген қолайсыз салдар үшін жауапкершіліктен босатылады.

4.2. Біздің міндеттеріміз:

- Алынған Дербес ақпаратты тек осы Саясатта көрсетілген мақсаттар үшін пайдалану; - Дербес ақпараттың сақталуын қамтамасыз ету;
- Пайдаланушыдан алынған Дербес ақпаратты қолданыстағы іс жүргізуде пайдаланылатын осындай ақпараттың құпиялылығын қорғау үшін қолданылатын тәртіпке сәйкес сақтық шараларды қолдану;
- Жалған Дербес деректерді немесе заңсыз әрекеттерді анықтаған жағдайда тиісті Пайдаланушыға қатысты Дербес деректерді оның жүгінген, сұраған немесе Пайдаланушының заңды өкілі немесе дербес деректердің субъектілерінің құқықтарын қорғаушы өкілетті орган жүгінген сәттен бастап тексеру кезеңі ішінде блоктау.

5. Дербес деректерді алу тәсілдері. Дербес деректерді қорғау

5.1. Біз Дербес деректерді келесі тәсілдермен жинаймыз:

- Пайдаланушыдан немесе оның өкілінен тікелей;
- Пайдаланушының браузері немесе құрылғысы арқылы;
- басқа көздерден, соның ішінде, бірақ онымен шектелместен: мысалы, жалпыға қолжетімді дерекқор; бірлескен маркетингілік және (немесе) қаржылық-шаруашылық қызмет бойынша серіктестері; бізде немесе сізде шарттық қатынас орнаған банктер, сақтандыру компаниялары және (немесе) басқа да қаржы ұйымдары; ұялы байланыс операторлары; әлеуметтік платформалар; пайдаланушылардың достары немесе олармен әлеуметтік платформалар арқылы байланысқан басқа адамдар, сондай-ақ өзге де үшінші тұлғалар.

5.2. Біз Пайдаланушылардың Дербес деректерін қорғау үшін барлық қажетті әрі жеткілікті түрде ұйымдастырылған техникалық сақтық шараларды қолданамыз. Дербес деректерге қолжеткізу рұқсаты қажет жұмыс функцияларын орындауы қажет MyCar жұмысшылары ғана Пайдаланушылар туралы ақпаратқа қол жеткізе алады.

5.3. Пайдаланушы өзі рұқсат еткен Дербес деректерді қауіпсіз сақтауға салғырт қарағанда үшінші тұлғалар ол деректерге заңсыз қол жеткізуі мүмкіндігін мойындайды. MyCar, осындай қолжетімділіктен келген залалдар (соның ішінде шығын және жіберіп алынған пайда) үшін жауапты болмайды. Біз сізге сандар мен әріптерден құралған күрделі құпия сөзді пайдалануға кеңес береміз.
5.4. Біз сізден мұқият болуды және сіздің Дербес ақпаратыңыздың қауіпсіздігін қамтамасыз ету үшін барлық қажетті шараларды қолдануды, соның ішінде интернет және «фишинг» арқылы алаяқтықтан қорғау шараларын қолдануды сұраймыз.

6. Дербес деректерге қол жеткізу

6.1. Пайдаланушының Дербес деректеріне MyCar (оның жұмысшыларының атынан) басқа келесі тұлғалар да қол жеткізе алады:

MyCar-ның кез келген үлестес жеке және (немесе) заңды тұлғалары;
MyCar сервистерін пайдалана отырып сатылатын тауарлардың (автокөліктердің, қосалқы бөлшектердің, керек-жарақтардың және т.б.) өндірушілері (олардың өкілдері), MyCar серіктестері;
осы Саясаттың 2-бөлімінде көрсетілген мақсаттарға жету үшін үшінші тұлғалар.

Мұндай тұлғаларға мыналар кіреді (соның ішінде, бірақ онымен шектелместен):

банктер, сақтандыру компаниялары және өзге де қаржы мекемелері;
бізге қызмет көрсететін, сайттарда, бағдарламаларда, өнімдерде немесе осындай тұлғаларға тиесілі сервистерде жарнамаларды орналастырумен және көрсетумен байланысты бізге қызмет көрсететін сайттардың және қолданбалардың иелері;
жарнама берушілер және (немесе) жарнама таратушылар, байланыс операторлары, MyCar шарттық қатынас құрған басқа да компаниялар.

6.2. Пайдаланушылардың Дербес деректері төмендегілерге де берілуі мүмкін:

құқықтары немесе міндеттері өздеріне қатысты шегерілген үшінші тұлғалар немесе тиісті келісім бойынша новация;
кез келген қазақстандық және (немесе) халықаралық реттеуші органға, құқық қорғау органдарына, атқарушы билік органдарына, басқа да ресми немесе мемлекеттік органдарға немесе MyCar тиісті сұрау бойынша Қазақстан Республикасының қолданыстағы заңына сәйкес ақпаратты беруге міндетті соттарға;
егер сіз өзіңіздің Дербес ақпаратыңызды беруге келіскен болсаңыз, үшінші тұлғаларға немесе Дербес ақпаратты беру сізге тиісті тауарды ұсыну, қызмет көрсету, жұмыс орындау немесе белгілі бір келісімді немесе сізбен жасасқан шартты орындау үшін қажет болғанда;
Сіз Пайдаланушы келісімін, осы Саясатты, сізбен жасасқан шарт талаптарын бұзған болсаңыз немесе осындай бұзу қаупі бар жағдай туындағанда MyCar-ны немесе үшінші тұлғаларды құқықтық қорғауды қамтамасыз ету мақсатында кез келген үшінші тұлғаға.

7. Қорытынды ережелер

7.1. Біз сіздің дербес ақпаратыңызды оның жиналған мақсатына жету немесе Қазақстан Республикасының заңдық талаптарын орындау үшін қажетті болатын уақыт бойы сақтайтын боламыз.

7.2. Құпиялылық саясаты дербес деректер мен ақпараттың құпиялығын қамтамасыз ету процедураларына, сондай-ақ үшінші тұлғалардың басқа процедураларына, соның ішінде сілтемелері MyCar сайттарында бар бөтен сайттардың жұмысын қамтамасыз ететін үшінші тұлғаларға қолданылмайды, және біз бөтен сайттардағы пайдаланушылардың ақпаратының құпиялылығы үшін жауап бермейміз. MyCar сайттарында басқа сайттардың сілтемелерін көрсетуді біз немесе біздің үлестес тұлғаларымыз ол сайттарды мақұлдаймыз дегенді білдірмейді.

7.3. MyCar Facebook, Apple, Google, Microsoft сияқты басқа компаниялардың және кез келген басқа қолданба әзірлеушілері, қолданба жеткізушілері, әлеуметтік желі платформасы жеткізушілері, операциялық жүйе жеткізушілері, сымсыз байланыс жеткізушілері және құрылғы өндірушілері, соның ішінде пайдаланушылар біздің әлеуметтік желілердегі қолданбалар немесе парақшаларымыз арқылы басқа ұйымдарға жариялайтын Дербес деректерді, ақпаратты жинау, пайдалану және жариялау саясаты (соның ішінде деректерді қорғауды қамтамасыз ету тәртібі) үшін жауапты болмайды.

7.4. http://www.mycar.kz/ сайтын және біздің мобильді қолданбаны пайдалана отырып, сіз құрылғыңызда cookie файлдарын орналастыруға, cookie файлы мен IP мекенжайларға сақтайтынымызбен және кіретінімізбен және веб-сайтты пайдалану тәжірибесін жақсарту мақсатында веб-сайтты пайдалану туралы деректерді жинау үшін басқа әдістерді пайдаланатынымызбен келісесіз.
Деректер сіздің веб-сайтты, браузерді және сіз кіретін құрылғы түрі туралы ақпаратты, тұрған жеріңізді қамтуы мүмкін.
http://www.mycar.kz/ сайтына кіре және оны пайдалана отырып, құрылғыңызға cookie файлдарын орналастыратынымызбен келісесіз.

7.5. Сіз бізге cookie файлдарды пайдалануымызға өз келісіміңізді бергеннен кейін, біз cookie файлдарды сіздің компьютеріңізде сақтап қоямыз, бұл сіздің сайтқа келесі кіргеніңізде осы келісімді жаттап қалу үшін қажет. Сіздің келісіміңіз уақыт өте аяқталады (және барлық жағдайда 13 ай ішінде). Егер сіз келісіміңізді кез келген уақытта қайтарып алуды шешсеңіз, сізге интернет-браузеріңіздегі баптауларды пайдалана отырып cookie файлдарыңызды жою керек.

7.6. MyCar Пайдаланушының келісімінсіз және оған ескертпестен осы Саясатқа өзгертулер енгізуге құқылы. Пайдаланушы Саясаттың жаңартылған нұсқасымен танысу жауапкершілігін өз мойнына алады. Саясатқа енгізілетін өзгертулер Саясаттың жаңа редакциясымен басқасы көзделмесе, Сайтқа орналастырылғаннан бастап күшіне енеді. 7.7. Егер біз жинаған ақпарат 18 жасқа толмаған адамнан жиналғанын біліп қойсақ, біз қисынды қысқа уақыт ішінде мұндай ақпаратты жойып, сол адамның тиісті веб-торапқа кіруін шектейміз.
7.8. Саясатқа және Пайдаланушы менMyCar арасындағы Саясатты қолдануға байланысты туындайтын қарым-қатынасқа Қазақстан Республикасының заңы қолданылады.
7.9. Пайдаланушының дербес деректерін жинау, өңдеу және сақтау кезінде MyCar Қазақстан Республикасының «Дербес деректер және оларды қорғау туралы» заңын басшылыққа алады.
7.10. Осы Саясатқа қатысты сұрақтарыңыз, пікірлеріңіз және ескертулеріңіз болса бізге хабарласуыңызды сұраймыз. Пайдаланушы бізге мыналар туралы хабарлауға құқылы:

болашақта бізден хаттар (хабарламалар) алуды қаламау туралы;
бізде ол туралы қандай ақпарат бар екенін білгіңіз, бізде сақталған Дербес деректеріңіздің көшірмесін алғыңыз келгенде (осындай сұратылған ақпаратты берген кезде пошта шығындарын өтеу және ақпаратты іздеу және өңдеу жұмыстарының ақысын төлеу үшін әкімшілік алым алынуы мүмкін);
бізде сақтаулы тұрған өзінің Дербес деректері нақты емес, дәл емес, өзекті емес немесе мәнін жоғалтқан деп есептейтіні туралы;
Саясаттың кез келген бұзылулары туралы;

Пайдаланушы Құпиялылық саясатына сәйкес жүктелген орындалмаған міндеттемелер болмаған жағдайда, MyCar-ның пайдаланушы деректерін жинауға, сақтауға, өңдеуге және пайдалануға берген өз келісімін қайтарып алуға құқылы. Қайтару жазбаша түрде рәсімделіп, тапсырыс хатпен немесе курьермен келесі мекенжайға жолданады: Алматы қаласы, ________. MyCar көрсетілген қайтаруды алған сәттен 1 (бір) жұмыс күні ішінде сол Пайдаланушының деректерін жинауды, өңдеуді және пайдалануды тоқтатуға міндеттенеді, бұл амал Пайдаланушыны Пайдаланушылар тізімінен шығарып тастау, Пайдаланушының аккаунтын және Жеке кабинетін, оның дербес, биометриялық деректерін жою арқылы орындалады.